Dmitriy Sapronov 

Bank Boshqaruvi raisining o‘rinbosari, chakana biznes va kichik hamda o‘rta biznes bloki rahbari

Dmitriy Sapronov 1978-yilda tug‘ilgan. 2000-yilda Moskvadagi Harbiy-havo muhandislik akademiyasining muhandislik fakultetini tamomlagan.

2007-yilda Moskvadagi Moliya akademiyasida bank menejmenti yo‘nalishi bo‘yicha MBA darajasini olgan.

2010-yilda OTP Group tarkibiga qo‘shilishidan avval Dmitriy bir qator banklarda, jumladan Rosbank, Home Credit & Finance Bank va Sberbankda turli rahbarlik lavozimlarida ishlagan. U menejer, departament rahbari va direktor o‘rinbosari lavozimlarini egallagan.

2010–2014-yillarda Dmitriy Moskvadagi OTP Bankning chakana biznes bo‘linmasida turli rahbarlik lavozimlarida ishlagan.

2015–2017-yillarda Xitoydagi Home Credit Consumer Finance Company kompaniyasida mahsulotlarni ishlab chiqish va boshqarish bo‘yicha direktor lavozimini egallagan.

2017–2023-yillarda Vyetnamdagi VPBank SMBC Finance Company kompaniyasining Mahsulotlar va biznesni rivojlantirish markaziga rahbarlik qilgan.

2023-yil iyun oyidan boshlab Dmitriy OTP Group tarkibidagi Ipoteka Bank Boshqaruvi raisining o‘rinbosari lavozimida faoliyat yuritmoqda hamda chakana biznes va KOB (kichik va o‘rta biznes) bloki faoliyati uchun mas’uldir.